Бүгүн, бэс ыйын 10 күнүгэр, Мугудайга тутуллуохтаах 8 кыбартыыралаах таас дьиэ бастакы сыбаайатын түһэрии сиэрэ-туома үөрүүлээхтик ыытылынна. Манна улуус баһылыгын бастакы солбуйааччыта Егор Сивцев, тутууну ыытыахтаах «ПД-Инжиниринг» ХЭТ салайааччыта Гавриил Платонов, нэһилиэк баһылыга Николай Аммосов, олохтоохтор кыттыыны ыллылар.
Бэлиэтээн эттэххэ, бу дьиэ «Хаарбах дьиэттэн көһөрүү» федеральнай бырагырааманан олоххо киириэхтээх. Бэдэрээччит тэрилтэ салайааччыта Гавриил Платонов: «Тутуубутун бүгүҥҥү күнтэн саҕалаатыбыт. Дьиэ оҥоһуута хаачыстыбалаах буолуоҕа диэн эрэннэрэбит»,-диэн кылгастык эппитин нэһилиэнньэ ытыс тыаһынан доҕуһуоллаата.
Наталья Сибирякова