Билиҥҥи туругунан, аан дойду үрдүнэн “Мисс Вселенная”, “Мисс Мира”, “Мисс Интернешнл” уонна “Мисс Земля” диэн кэрэ кыргыттар куонкурустара саамай үрдүк рейтиннээхтэринэн биллэллэр. Манна кыайбыт кыргыттар аан дойду саамай кыраһыабайын аатын ылалларын таһынан баҕарар үлэлэрин, үөрэхтэрин булаллар, олохторун тосту уларыталлар.
Онтон Чурапчы нэһилиэгин дьаһалтата, “Айыллаан” КК кытары тэрийэр XV-с төгүлүн ыытыллар “Миссис Чурапча” ийэ, кэрэ уонна талаан куонкуруһа ахсынньы 2 күнүгэр буолаары турар.
Чурапчы нэһилиэгин саамай долгутуулаах уонна түбүктээх куонкуруһугар урукку сылларга кимнээх кыайыылаах буолбуттарай? Хомойуох иһин 2018 сыллаахха биллибэт биричиинэн оттон 2020 сыллаахха пандемиянан сибээстээн бу куонкурус ыытыллыбатаҕа.
“Миссис Чурапча 2022” – Алена Архипова
“Миссис Чурапча 2021” – Семерина Николаева
“Миссис Чурапча 2019” – Евдокия Посельская
“Миссис Чурапча 2017” – Сардаана Михайлова
“Миссис Чурапча 2016” – Марианна Лукина
“Миссис Чурапча 2015” – Любовь Прокопьева
“Миссис Чурапча 2014” – Диана Портнягина
“Миссис Чурапча 2013” – Екатерина Федорова
“Миссис Чурапча 2012” – Варвара Пудова
“Миссис Чурапча 2011” – Вилена Дьячковская
“Миссис Чурапча 2010” – Оксана Шестакова
“Миссис Чурапча 2009” – Елена Тихонова
“Миссис Чурапча 2008” – Изабелла Попова
“Миссис Чурапча 2007” – Ирина Карсанаева
Быйылгы «Миссис Чурапча — 2023» куонкуруска кимнээх кытталларын, нэһилиэк дьаһалтата кыайыылаахха төһө сууммалаах бириэйэни туттарарын туһунан иһитиннэриини сэтинньи 27 күнүгэр сиһилии суруйан таһаарыахпыт. «Саҥа олох» хаһыаты кытары бииргэ буолуҥ.
Сэмэн Жендринскэй