Ахсынньы 23 күнүгэр Болтоҥо нэһилиэгин библиотекатыгар ,,Мин Болтоҥо уолабын» диэн Андрей Павлович Листиков олоҕун, үлэтин сырдатар кинигэ сүрэхтэниитэ буолла. Чурапчы улууһугар бастакы промышеннай тэрилтэҕэ — промкомбинакка өр сылларга биригэдьиириттэн саҕалаан дириэктэрдээбит, сайдыытыгар улахан кылаатын киллэрбит салайааччыга Андрей Павловичка анаммыт.
Кыыһа Мария Андреевна Дьячковская Дьокуускайга ,,Көмүөл» кинигэ кыһатыгар таһааттарбыт. Аҕата 90 сааһа туолуутугар анаабыт (2024 сыл, тохсунньу 1 күнэ).
Кинигэҕэ бииргэ үлэлээбит, алтыспыт доҕотторун, аймахтарын, биир дойдулаахтарын ахтыылара киирдилэр. 84×108 формакка твердай (хортуон) тастаах, элбэх хаартыскалардаах, мелованнай кумааҕыга үрдүк хаачыстыбалаахтык бэчээттэммит.
Сүрэхтээһин дьаһалыгар промкомбинаттан билиҥҥи үөрэтэр-производственнай кэмбинээт дириэктэрэ Анатолий Александров, Болтоҥо нэһилиэгин баһылыга Сергей Ефремов, аймахтара Татьяна Саввина, Анна Седалищева, доҕотторо Петр Массаев, Людмила, Михаил Степановтар, бииргэ үлэлээбит табаарыстара Дмитрий Чепалов, Мотрена Местникова, Гурий Монастырев, биир дойдулаахтара Анна, Илья Слепцовтар, Елизавета Васильева, Захар Егоров, Алексей Слепцов сырыттылар, Андрей Павлович туһунан истиҥ-иһирэх ахтыы оҥордулар.
Бу дьаһалы олохтоох бэтэрээннэр сэбиэттэрэ (предс. Анастасия Петрова) тэрийэн ыыттылар. А Аҕатын анаан үтүө өйдөбүнньүк кинигэни таһааттарбыт Мария Андрөевнаҕа, биэчэри тэрийбиттэргэ махталбытын тиэрдэбит.
Алексей Слепцов.