Иркутскайдааҕы педагогическай үнүстүүтү бүтэрбит Мария Ивановна Чичигинарова сэбиэдиссэйдээх Чурапчытааҕы деткомбинат оройуоҥҥа баар бастыҥ үлэлээҕинэн биллэрэ.
Манна ити кэмҥэ 116 кыракый оҕолору түөрт бөлөххө арааран математика, төрөөбүт тыл, музыка, физкультура, уруһуй предметтэрин туһунан бастакы өйдөбүлү биэрллэрэ.
Бу деткомбинатка итини таһынан оҕолору ырыаҕа, үҥкүүгэ, өйтөн ааҕыыга үөрэтиигэ аналлаах үгүс кэрэхсэбиллээх дьарыктар утумнаахтык ыытыллаллара.
Комбинат иитиллээччилэригэр куруутун кэтэһилээх ыалдьыттарынан оччотооҕуга Е.И. Курашов аатынан Чурапчы орто оскуолатын (билиҥҥитэ С.А. Новгородов аатынан Чурапчы орто оскуолата) эдэр пионердара буолаллара. Кинилэр кырачааннарга үчүгэй кэнсиэртэри көрдөрөллөрө, элбэх көмөнү оҥороллоро.
Кэлэктиип төрөппүттэри кытта быстыспат сибээһи тутара. Бастыҥ төрөппүттэринэн ити бириэмэҕэ М.М. Смирников, П.П. Пинигин, С.С. Яковлев, П.С. Ноев уо.д.а. оҕолор тустарыгар ис сүрэхтэриттэн кыһанан-мүһэнэн көмөлөһөллөрө. Комбинат отуттан тахса үлэһиттэрэ кыракый сүрэхтэр кынат-куорсун анньынан үүнэн-сайдан тахсалларыгар үгүс сыраларын биэрэллэрэ.
Сэмэн ЖЕНДРИНСКЭЙ