Оройуоннааҕы балыыһа хирургическай отделениетыгар элбэх сыллар усталарыгар мэдэссиинэ сиэстэрэтинэн Любовь Лукинична Дьяконова үлэлээбитэ.
Кини 1967 сыллаахха Чурапчыга медицинскэй сиэстэрэлэр куурустарын бүтэрбитэ. Ити кэмтэн ыла комсомолка Люба Дьяконова бары саталын, дьулуурун эпэрээссийэ “остуолугар” биэрбитэ. Өлөр өлүүттэн үгүс ыарыһахтар үрүҥ тыыннарын өрүһүйсүбүт имигэс илиилээх, аламаҕай, эйэҕэс майгылаах эдэр эмчиккэ барҕа махталларын этэллэрэ. Кыһамньылаах үлэһит 1973 сыллаахтан оройуоннааҕы балыыһа комсомольскай тэрилтэтин сэкирэтээринэн талыллан үлэлээбитэ, эдэр эмчиттэри үлэ үөһүгэр көҕүлээбитэ, кэлэктииби түмпүтэ. Көхтөөх уопсастыбанньык Любовь Лукинична эмп холбоһугун администрациятын, профсойууһун оройуоннааҕы кэмитиэтин махтал суруктарынан хаста да наҕараадаламмыта.
Любовь Дьяконова бэйэтин тустаах эбээһинэһигэр үтүө сыһыанынан, холобурдаах үлэтинэн 1974 сыллаахха коммунистическай үлэ удаарынньыгын аатын ылбыта.
Сэмэн Жендринскэй