Бэҕэһээ, тохсунньу 28 күнүгэр, СӨ Ил Дарханын Кубогын иитинэн, эр дьоҥҥо классическай саахымаакка, Арассыыйа Кубогын түһүмэҕин блицтурнира түмүктэннэ диэн СӨ саамыкка бэдэрээссийэтин пресс-киинэ иһитиннэрдэ.
Саахымат түһүлгэтигэр барыта 80 кыттааччы муһунна. Блицтурнир баартыйатын аайы 3-түү мүнүүтэлээх, хаамыыларыгар эбии 2-лии сөкүүндэлээх, 11 тур-тан Швейцарскай систиэмэнэн ыытылынна.
Түгэнинэн туһанан тэрийээччилэр успуонсардары, чуолаан Чурапчы улууһун саахымакка бэдэрээссийэтин бэрэссэдээтэлэ Георгий Александровка уонна Амма улууһун саахымакка бэдэрээссийэтин бэрэссэдээтэлэ Петр Петровка дириҥ махталларын биллэрдилэр.
Түмүккэ, эр дьоҥҥо күүстээх саахыматчыттары быһаардылар:
1 миэстэ — Алексей Придорожный (ХМАО-Югра, Сургут);
2 миэстэ — Олег Рычков (Приморскай кыраай, Владивосток);
3 миэстэ — Владислав Жирков (Саха сирэ, Дьокуускай);
4 миэстэ — Николай Капитонов (Чурапчы улууһа);
5 миэстэ — Денис Назаров (Мэҥэ Хаҥалас улууһа);
6 миэстэ — Вячеслав Гаврильев (Дьокуускай).
Анал бириистэргэ 70-гар диэри саастаах бэтэрээннэргэ бастыҥ көрдөрүүлээх Хабаровскай кыраайтан Юрий Лян, 70-тан үөһэ саастаах аҕам бэтэрээннэргэ бастыҥ көрдөрүүлээх Дьокуускай куораттан Семен Протодьяконов, дьахталларга бастыҥ көрдөрүүлээх Уус Алдан улууһуттан Евдокия Избекова, ыччаттарга бастыҥ көрдөрүүлээх Дьокуускай куораттан Альберт Постников, кыргыттарга бастыҥ көрдөрүүлээх Дьокуускай куораттан Арина Васильева тигистилэр.
Сэмэн Жендринскэй