Күндү биир дойдулаахтарбыт, чуолаан Чурапчы улууһун Хоптоҕо нэһилиэгин амарах санаалаах Далбар Хотуттара, дурда-хахха буолар күүстээх аҥаардара, күн сырдыгын батыһар Күн Айыы дьоно!
Сүһүөхтээх бэйэбит сүгүрүйэн, хоолдьуктаах бэйэбит хоҥкуйан туран, сүрэххит сылааһынан угуттаан, илиигит сылааһынан биэбэйдээн, биир санаанан түмэн, хомуйан ыыппыт аскыт-үөлгүт иһин ис сүрэхпититтэн махталбытын тиэрдэбит: дойдубут минньигэс аһылыгын хомуйарга көҕүлүүр үлэни тэрийэн ыыппыт “Россия Ийэлэрэ” уопсастыбаннай хамсааһын Хоптоҕо нэһилиэгэр үлэлиир салаа салайааччытыгар Петрова Валентина Николаевнаҕа, кини чугас көмөлөһөөччүлэригэр, “Ыллык” уһуйаан үтүө санаалаах үлэһиттэригэр салайааччы Пестерева Евдокия Васильевна,Терютина Е. Д., Павлова Е.Д, Васильева Р.С., Мурзакова Н.Г., Иванова А.Р., Федорова А.А., Макарова О.М ., “Молодежнай түөлбэ” Габышева П.Г., Мартьянова В.Е., Пестеревтэр В.Е, И.Г.,Каженкина С.П., Каженкиннар С.В., П.В., Даниловтар Х.С., С.А., Васильевтар Н.Р., П.Н., биэнсийэлээхтэр: Собакиннар К.В., ГГ., Осиповтар З.Д., Н.Н., Потапова П.А., Васильевтар И.К., Н.Д., Федосеев И.Е. аатынан Дириҥ орто АГРО оскуолатын үлэһиттэригэр салайаачааччы директор Игнатьев Михаил Спиридонович, оскуола бизнес инкубаторын иистэнэр цех ШБИ салайааччыта Лена Егоровна Луковцева, АЗС Туймаада-нефть коллективыгар, салайааччы Платонов А.П.,, «Дирин-1» маҕаһыын, салайааччы Тарабукина И.В., С.М.Ананьев аатынан Дириҥнээҕи врачебнай амбулатория, сэбиэдиссэй Иванова О.П., Дириҥ оскуолатын 38 выпусктарыгар, Хоптоҕо нэһилиэгин дьаһалтатын баһылыгар Алексей Леонидович Бурцев, дьаһалта исписэлииһигэр Айталина Егоровна Васильева, Якутскай к. Хоптоҕо түмсүү салайааччытыгар Посельскай А.П., Чурапчы СХПК салайааччытыгар уонна улахан махталбытын тиэрдэбит бу дойдубут аһылыктаах кэһиитин тэрийэн АК Якутия самолетунан ыытарга көмөлөспүт Аҕа дойдуну көмүскээччилэр дьиэ кэргэттэрин Саха сиринээҕи кэмитиэтин салайааччытыгар Светлана Диодорова-Лаврентьеваҕа махтанабыт!
Ааспыт сыл күһүнүттэн анал байыаннай эпэрээссийэҕэ араас эчэйиилэри ылан, Санкт-Петербург куорат госпиталларыгар эмтэнэ сытар Саха сирин байыастарыгар күүс-көмө буолар волонтерскай түмсүү тэриллибитэ. Оччоттон күн баччаҕа диэри итии туочукаттан кэлэр уолаттары күүспүт кыайарынан ийэлии көрө-харайа сылдьабыт. Төрөөбүт дойдутуттан тэйэн, этэ-сиинэ сэймэктэнэн, дууһата туоххаһыйан сытар киһиэхэ киһилии сылаас сыһыан, сахалыы сайаҕас кэпсэтии чэбдик салгыҥҥа, ыраас ууга тэҥнээх. Ону тэҥэ төрөөбүт дойду сыһыытыгар, хонуутугар мэччийбит сүөһү этин, күөллэригэр, өрүстэригэр көҥүл устар соботун миинэ, тыатыгар кэмэ суох элбэх үүнэр отонун утаҕа күүһү-уоҕу биэрэр, тэтими эбэр, балыыһаттан этэҥҥэ буолан тахсар күнү чугаһатар. Эһиги ыыппыт аскытын-үөлгүтүн волонтердар мустан наардаатыбыт, тымныы сиргэ харайдыбыт. Байыастарга өр кэмҥэ астаан илдьэр дэлэй-холой астанныбыт, дурдалаах-хаххалаах, саппаастаах курдук сананныбыт. Күн айыы санааҕыт барҕара турдун, үтүө санааҕыт үйэлэргэ үтүө өйдөбүл буоллун! Кэлэн иһэр Саҥа дьылынан эҕэрдэлээн туран, барыгытыгар доруобуйаны, барыбытыгар эйэлээх олоҕу баҕарабыт!
Хоптоҕо нэһилиэгин уопсастыбаннай түмсүүлэрэ, тэрилтэлэрэ, олохтоох дьаһалта, баһылык Алексей Бурцев салалтатынан былырыын эмиэ 94,5 киилэ “Дойду кэһиитэ” диэн баһыылканы Санкт-Петербург куорат балыыһатыгар сытар биир дойдулаахтарбытыгар анал байыаннай дьайыы кыттыылаахтарыгар ыыппыттара. Оттон быйыл 156 киилэ ыйааһыннаах баһыылканы үтүө санаалаах Хоптоҕо нэһилиэгин олохтоохторо хомуйан ыыттылар.
Эҕэрдэни кытта Санкт-Петербурдааҕы “Саха-Волонтер” түмсүү чилиэннэрэ. Ахсынньы, 2023 сыл.
Бэлэмнээтэ Сэмэн Жендринскэй