Ол курдук, Хатылыттан Е. Лыткина салайааччылаах “Көмүөл” ансаамбыл 2-с истиэпэннээх лауреат, Хоптоҕоттон П. Матвеева салайааччылаах “Өркөн” ансаамбыл 3-с истиэпэннээх дипломант, Чурапчы нэһилиэгиттэн А.Семенова салайааччылаах “Ыллыыр ыччат” ансаамбыл “Сыл бастыҥ саҕалааччыта” анал аат хаһаайына буоллулар. Мугудайтан М. Гоголева салайааччылаах “Төлөн” ансаамбыл улахан түһүлгэҕэ бастакытын сүрэхтэннэ.
Гала-кэнсиэр биһиги биир дойдулаахпыт Федор Гоголев матыыбыгар, И.Левин тылыгар “Эйэ иһин” кыттыбыт эр дьон бары ансаамбылларын хорунан толорууларынан түмүктэннэ. Хору Чыаппаратааҕы эр дьон народнай хорун салайааччыта Мичилийэ Гоголева кыайа-хото тутан ыллатта. Тэрээһиҥҥэ СӨ Култуура миниистирэ Афанасий Ноев кыттыыны ылла, — диэн Олоҥхо киинин салайааччыта Дмитрий Попов кэпсиир.
Елена Макаринская