Чурапчы киин балыыһатын кылаабынай бырааһа Николай Сивцев Дойду Бэрэсидьиэнэ Владимир Путин пресс-конференциятын истэн баран, дьон доруобуйата болҕомто киинигэр турарын, медицина сайдыытыгар соруктары туруорарын бэлиэтээтэ.
“Дойду Бэрэсидьиэнэ Владимир Путин “Доруобуйа харыстабылын модернизациялааһын” программата өссө да уһуоҕа диэбитин үөрэ иһиттибит. Бу программанан 2025 сылга диэри ханнык балыыһалар оҥоһуллуохтаахтара номнуо тыырыллан турар. Биһиги улууска быйыл күһүн бу программанан Арыылаахха фельдшерскэй-акушерскай пуун аһыллыбыта. Эһиил Дириҥ балыыһата тутуллуохтаах. Эбии үп көрүллэн, бэдэрээтчит биллэн, сайыҥҥааҥҥа диэри тутуллан бүтүөхтээх. Кэлин сылларга бу программа уһаатаҕына, хаарбах туруктаах Хатылы, Кытаанах балыыһалара саҥардыллыахтара диэн бигэ эрэнэбит”, — диэн Николай Сергеевич санаатын үллэстэр.
Елена Макаринская