Эдэр ыччат, оҕо маассабай кэрэхсээһинин ылбыт успуорт көрүҥнэриттэн биирдэстэрэ футбол буолар.
Балаҕан ыйын 18 күнүгэр Чурапчы улууһун Чыаппара нэһилиэгин стадионугар футбол күрэҕэ буолан ааста. Күрэҕи нэһилиэк баһылыга Иван Оконешников уонна успуорт инструктора Ким Тимофеев тэрийдилэр. Күрэх сүрүн соругунан кэлэр кэнчээри ыччаты успуорка уонна чөл олоххо сыһыарыы буолар.
Табаарыстыы көрсүһүүгэ нэһилиэк эр дьоно уонна оскуола 7-11-с кылааһын уолаттара хамаанда туруоран күөн көрүстүлэр.
Тыҥааһыннаах күрэх түмүгүнэн эр дьон кыайыыны ыллылар. Табаарыстыы көрсүһүү кыттааччылара астынан, сэргэхсийэн тарҕастылар.
«Алаҕар кэскилэ» медиа киин
Тамерлан Барашков хаартыскаҕа түһэриитэ, Алаҕар орто оскуолата, 11-с кылаас.