Ыам ыйын 25-26 күннэригэр Босния уонна Герцеговина Баня-Лука диэн куоратыгар оҕолор ортолоругар IMAF (бойобуой көрүҥнэр норуоттар икки ардыларынааҕы бэдэрээссийэтэ) каратэ, ката, кобудо, кумитэ, кикбоксинг, джиу-джитсу хайысхаларыгар Европа Кубогын аһаҕас күрэҕэ ытылынна.
Манна Арассыыйа Ген-Син-Кан оскуолатын иитиллээччилэрэ олус үчүгэйдик күрэхтэһэннэр биир кыһыл көмүс, түөрт үрүҥ көмүс уонна икки боруонса мэтээли илдьэ кэллилэр.
Маннык улахан түһүлгэҕэ Италия, Швеция, Хорватия, Сербия, Иран, Индонезия, Черногория, Македония, Словения, Босния, Арассыыйа о.д.а. дойдулар ыспарсымыаннара кытыннылар.
Лисенков Серафим, 5 кю, араҥас кур, 12 саастаах, ката көрүҥҥэ 1 миэстэ, кикбоксиҥҥа 2 миэстэ.
Слепцова Юлия, халлаан күөх кур, 15 саастаах, -ката көрүҥҥэ 2 миэстэ.
Владимирова Аиза, от күөх кур, 12 саастаах, ката.
Киприянов Еркен, (оранжевай кур), 12 саастаах, ката.
Монастырев Владимир — Чурапчы, (оранжевай кур), 14 саастаах, ката.
Антипова София, (от күөх кур), 9 саастаах, ката көрүҥҥэ 3 миэстэ.
Кубок саҕаланыан иннинээҕи күҥҥэ күрэхтэһии кыттааччылары бойобуой дьарык сэминээрдэригэр сырыттылар, манна Ген-Син-Кан оскуолатын үөрэнээччилэрэ Вадо-Рю Каратэ-До истиил араас өҥнөөх курдарын иһин эксээмэннэрин ситиһиилээхтик туттардылар. Эксээмэни 7-с дантан намыһаҕа суох таһымнаах маастардар туттулар, кинилэр ортолоругар Николо Радулович (10 дан), Любомир Тадич (10 дан), Миленко Савуч (8 дан, полиция генерала), Целестин Цюхцинский (7 дан), Ненад Тадич (7 дан), Р. Тривич (6 дан). Бу маннык дьон кыттыыны ылбыттара эксээмэн үрдүк таһымын туоһулуур.
Чурапчы улууһуттан бу көрүҥҥэ Егор Куприянов салайааччылаах, Семен Новгородов аатынан Чурапчы орто оскуолатын 8 кылааһын үөрэнээччитэ Вова Монастырев, ката көрүҥҥэ 2 миэстэ буолла ситистэ уонна от күөх куру ылары ситистэ. Вова бэйэтэ бу көрүҥүнэн, Егор Егорович салалтатынан начаалынай кылаастан саҕалаан утумнаахтык дьарыктанар, кини бойобуой дьайыы бэтэрээнэ Василий Монастырев төрөппүт уола буолар.
Тэрээһин чэрчитинэн Ген-Син-Кан норуоттар икки ардыларынааҕы бэдэрээссийэтин бэрэсэдьиэнэ Целестин Цюхцинский олохтоох джиу-джитсу бэдэрээссийэтиттэн хара кур иһин эксээмэни туттар.
Санатан эттэххэ, Целестин Цюхцинский бэйэтэ Вадо-Рю Каратэ-До (7 дан) уонна Ген-Син-Кан (8 дан) истиил хара курдарын хаһаайынынан буолар.
Сэмэн Жендринскэй