Кэлиҥҥи бириэмэҕэ, улууспут биллэр урбаанньыттара Данил Павлов уонна Ульяна Заровняева бэйэлэрин күүстэрин түмэннэр, Мындаҕаайыга үүннэрбит сэлиэһинэй бурдуктарын мэлийэннэр дьоҥҥо-сэргэҕэ астаан таһаарга быһаарыммыттара.
Онтон бүгүн, о.э. ахсынньы 17 күнүгэр Ульяна Николаевна, улууспут олохтоохторун Чурапчы нэһилиэгин киинигэр үлэлэтэ турар икки лааппытыгар сэлиэһинэй бурдугуттан буспут, доруоһата суох килиэби, сахалыы лэппиэскэ уонна бичиэнньэлэри босхо амсайаргытыгар ыҥырар.
“Улууһум олохтоохторун сыанабыллара биһиги инники үлэбитигэр олус наадалаах”, — диэн биллэр асчыт этэр.
Сэмэн ЖЕНДРИНСКЭЙ