Чурапчы улууһугар ааспыт нэдиэлэҕэ о.э тохсунньу 27 күнүттэн олунньу 3 күнүгэр диэри Чурапчытааҕы Ис дьыала уорганын дьууһурунай чааһыгар барыта холбоон 23 сайабылыанньа киирдэ.
Чурапчы нэһилиэгин Октябрьскай аатынан уулусса 23 нүөмэрдээх дьиэтин таһыгар суол быһылаана тахсыбыт, эмсэҕэлэнээччи суох.
Микрозаймнартан харчы иэс ылан баран төнүннэрбэт киһи ахсаана хас нэдиэлэ ахсын элбээн иһэр, ааспыт нэдиэлэҕэ 9 киһи иэһин төлөөбөтүн туһунан үҥсүү киирбит.
Уопсастыбаннай миэстэҕэ бэрээдэги кэһии биэс түбэлтэтэ таҕыста: ол курдук уопсай дьиэлэр подъездарыгар айдаарсыы, чааһынай дьиэҕэ элбэх киһи мустуута, эр киһи үлэлииргэ мэһэйдээһинэ, олохтоох М., дьиэтин таһыгар итирик туруктаах киһи сылдьара бэлиэтэннэ. Ону таһынан гражданка М., төрөппүт кыра саастаах оҕотун урукку кэргэнэ А., кэлэн ыйытыга суох илдьэ барбытын туһунан итини таһынан эр киһи кыра саастаах оҕолоро баар кэмнэригэр айдаара-айдаара ойоҕун кырбаабытын туһунан сайабылыанньалар киирдилэр.
Чурапчы нэһилиэгин олохтооҕо, эр киһи дьиэтиттэн тахсан баран өр сүтэ сылдьан баран көһүннэ.
Бэлэмнээтэ Сэмэн ЖЕНДРИНСКЭЙ