Бэҕэһээ о.э ахсынньы 22 күнүгэр, Мэҥэ Хаҥалас улууһун Төҥүлү нэһилиэгэр, дартс көрүҥҥэ аан бастакытын илин эҥэр Кубогын иһин күрэхтэһии ыытылынна.
Бэрт тыҥааһыннаах киирсии кэнниттэн бочуоттаах үһүс миэстэни Уус Алдан улууһун хамаандата оттон иккис миэстэҕэ, хаһаайыттар бэйэлэрэ, Мэҥэ Хаҥаластар тигистилэр. Онтон уһулуччу чорбойон, кыайыылаах үрдүк аатын – Чурапчы улууһун сүүмэрдэммит хамаандата ылла!
Улахан ситиһии кыайыылаахтарын ааттаталыыбыт: Одьулуун нэһилиэгиттэн 1 миэстэ – Нюргуяна Кардашевская, Чурапчы нэһилиэгиттэн 1 миэстэ – Никифор Максимов, Соловьев нэһилиэгиттэн 1 миэстэ – Егор Ефремов; Чурапчыттан 2 миэстэ – Владимир Барашков, Одьулуунтан 2 миэстэ – Владимир Карпов, Чурапчыттан 2 миэстэ – Эрэл Аммосов; Одьулуунтан 3 миэстэ – Анна Михайлова, Соловьевтан 3 миэстэ – Ирина Собакина, 3 миэстэ – Мичил Сергеев, 3 миэстэ – Афанасий Федоров, Чурапчыттан 3 миэстэ – Петр Климов, Одьулуунтан 3 миэстэ – Руслан Карпов, Чурапчыттан 3 миэстэ – Мэхээлэ Илгын.
Кыайыылаахтары эҕэрдэлээн биэриэҕин, успуорт саҥа көрүҥэ өссө даҕаны сайдан, бэйэтин тула элбэх кыттааччыны түмүөхтүн!
Сэмэн ЖЕНДРИНСКЭЙ