Чурапчыга ыытыллыбыт эрэгийиэннээҕи “Мунхалов ааҕыылара” НПК түмүктэннэ

Икки күн устата кэмпириэнсийэҕэ барыта 200-чэкэ киһи үс секциянан кытынна. Кэмпириэнсийэ чэрчитинэн, Афанасий Мунхалов аатынан арт-галереяҕа “Линии вдохновения. Искусство якутской графики” экспозициялар турдулар, уруһуйга маастар-кылаастар, төгүрүк остуоллар ыытылыннылар уонна устудьуоннарга “Перформанс Мунхалова” сынньалаҥ киэһэтэ тэрилиннэ.

Кэмпириэнсийэ түмүгүнэн кыайыылаахтар ааттаннылар, наҕараадалары туттулар. 1-кы секция лауреаттарыгар Мунхаловтар дьиэ кэргэттэрин аатыттан харчынан бириэмийэ туттарылынна.

Улуустааҕы култуура салалтатын начаалынньыга Петр Гуляев кыттааччыларга, кэлбит ыалдьыттарга махтанна уонна аныгыскы ааҕыылары Бүтүн Арассыыйатааҕы таһымҥа таһааран, Арктика судаарыстыбаннай үнүстүүтүн базатыгар тэрийэргэ диэн ылыммыттарын иһитиннэрдэ.

П.П. Романов аатынан Дьокуускайдааҕы художественнай училище устудьуона Нарыйаана Игнатьева:

— Биһиги, Лейла Терешкина уонна Сайаана Максимова буолан, “Художник и время: Художники Якутии и России” секцияҕа кыттан, лауреат аатын сүктүбүт. Тиэмэбит – “Война глазами разных художников России”. Нуучча уонна саха худуоһунньуктарын сэриини хайдах уруһуйдаабыттарын тэҥнээн көрдүбүт. Улахан араастаһыы суох, үгүстэр сэрии содулун, хараастыыны көрдөрбүттэр. Сорохтор сэриигэ өрө көтөҕүллүүнү, настарыанньаны биэрэллэр. Афанасий Мунхаловтан “Памяти вернувшихся” сериятын туһанныбыт.

И.М. Павлов аатынан Чурапчы орто оскуолатын үөрэнээччитэ Эрсан Макаров:

— Мунхалов ааҕыылаарыгар иккиспин кыттабын. Былырыын “Галерея Чурапчинских художников” диэн үлэбэр улууспут худуоһунньуктарын олохторун уонна үлэлэрин ырыппытым. Быйыл “Память о войне в картинах А.П. Мунхалова” үлэбинэн кыттан, 1-кы степеннээх дипломант буоллум. Үлэбэр Кыайыы 80 сылынан Афанасий Петрович  сэриигэ уонна Көһөрүллүүгэ сыһыаннаах хартыыналарын ырыттыбыт. Кини хартыыналара кистэлэҥнэрдээх, сакральнай өйдөбүллэри киллэрэр эбит диэн түмүккэ кэллибит.

Научнай-практическай кэмпириэнсийэ түмүгэ:

1-кы “Жизненный и творческий путь Мунхалова” секцияҕа 5-8 кылаастарга 3-с  степеннээх дипломанынан Артур Алексеев (А.П. Гоголев аатынан Оҕо искусство оскуолата), 2-с Дамир Монастырев (А.П. Гоголев аатынан Оҕо искусство оскуолата), 1-с Күннэй Захарова (А.П. Гоголев аатынан Оҕо искусство оскуолата), лауреатынан Айсен Собакин (Соловьев оскуолата) буоллулар.

9-11 кылаастарга 3-с степеннээх дипломанынан Лина Иванова (Дириҥ оскуолата), 2-с Дайаана Филиппова (А.П. Гоголев аатынан Оҕо искусство оскуолата), 1-кы Эрсан Макаров (И.М. Павлов аатынан Чурапчы оскуолата), лауреатынан Юлия Винокурова (Кытаанах оскуолата) буоллулар.

Устудьуоннарга 2-с степеннээх дипломанынан Динара Иванова (ДьХУ), 1-кы Саина Аммосова (ДьХУ), лауреатынан Мария Кириллова (АГИКИ) буоллулар.

2-с “Художник и время” секцияҕа 5-8 кылаастарга 3-с степеннээх дипломанынан Сайаана Софронова (А.П. Гоголев аатынан Оҕо искусство оскуолата), 2-с Анастасия Охотина (Таатта), 1-кы Амелия Николаева (Таатта), лауреатынан Милена Капитонова (А.П. Гоголев аатынан Оҕо искусство оскуолата) буоллулар.

9-11 кылаастарга 3-с степеннээх дипломанынан Юлия Пермякова (Д.П. Коркин аатынан ЧРОСИО), 2-с Ариан Максимов (Болтоҥо оскуолата), 1-кы Жанна Алексеева (Таатта), лауреатынан Туйаара Рахлеева (Таатта) буоллулар.

Устудьуоннарга 3-с степеннээх дипломанынан Лилия Никифорова (АГИКИ), 2-с Анатолий Ткаченко (АГИКИ), 1-кы Сардана Кириллина (Нам), лауреаттарынан Нарыйаана Игнатьева, Лейла Терешкина уонна Сайаана Максимова буоллулар.

3-с “Гений места и территорий” секцияҕа 5-8 кылаастарга 3-с степеннээх дипломанынан Сайаана Захарова (А.П. Гоголев аатынан Оҕо искусство оскуолата), 2-с Диана Сидорова (Мугудай), 1-кы Күннэй Коркина (Кытаанах), лауреатынан Анастасия Оконешникова (Таатта) буоллулар.

9-11 кылаастарга 3-с Кыыдаана Борисова (Дьокуускай), 2-с Яра Хоютанова (Дириҥ), 1-кы Сандаара Шестакова (“Радость” оҕо сайдар киинэ), лауреатынан Юлия Пермякова уонна Карина Кривошапкина (“Радость” оҕо сайдар киинэ) буоллулар.

Устудьуоннарга Татьяна Аммосова (Креативнай индустрия коллеһа), 2-с Полина Белоногова, 1-кы Вилена Ефремова, лауреатынан Уйгун Тимофеев буоллулар.

Елена Макаринская