Чурапчыга үөрүүлээх түгэн буолла

Бүгүн Чурапчы дьаһалтатын аактабай саалатыгар быйыл Амма улууһугар ыытыллыбыт Олоҥхо ыһыаҕар ситиһиилээхтик кыттан кэлбит дьоммутун-сэргэбитин бэлиэтиир, эҕэрдэлиир тэрээһин буолла. Улууспут аҕа баһылыга Степан Саргыдаев, улуус мунньаҕын бэрэссэдээтэлэ Яков Оконешников, дэлэгээссийэни иилээбит-саҕалаабыт улуус баһылыгын социальнай боппуруостарга солбуйааччыта Мария Кронникова кыайыы көтөллөөх кэлбит халыҥ хамаандаҕа эҕэрдэ тылларын анаатылар, наҕараадалары, махтал суруктары, бэлэхтэри туттардылар.  Олоҥхо ыһыаҕын кылаан кыайыылаахтара Анатолий Христофоров, Любовь Монгуш олоҥхоттон, чабырҕахан быһа тардан манна мустубут дьоҥҥо иһитиннэрдилэр.

Өр сылларга култуура эйгэтигэр сүҥкэн кылааттаах Мария , Валерий  Герасимовтар дьиэ кэргэни улуус дьоно бука бары билэллэр, олус диэн сыаналыыллар. Бу күн Степан Анатольевич ис сүрэҕиттэн махтанан туран,   үөрүүлээх быһыыга-майгыга Валерий Петровичка убаһа ыларга сертификат  итиэннэ инникитин  олоҥхо сайдарыгар диэн анаан улууспут салалтата, улуус мунньаҕын дьокутааттара култуура управлениетын, Олоҥхо киинин салайааччыларыгар Петр Гуляевка, Дмитрий Поповка 500 000 солк. сертификат туттардылар.

Наталья Сибирякова, ааптар видеоҕа устуута