СӨ Тыа хаһаайыстыбатын уонна ас-үөл политикатын миниистирин солбуйааччы Сахаяна Павлова салайааччылаах дэлэгээссийэ кэлэн, тыа хаһаайыстыбатынан дьарыктанааччыларга сэминээр ыыттылар.
СӨ АПК ресурснай хааччыйыы киинин кылаабынай экономиһа Майя Гуляева көрүллэр көмөҕө сайаапканы хайдах толорорго, туох ханан баарын сиһилии көрдөрөн кэпсээтэ.
Мелиорация, сири уонна үүнээйини кытта үлэ департаменын салайааччыта Вячеслав Гаврильев тыа хаһаайыстыбатын оҥорон таһаарыытыгар көрүллэр өйөбүллэргэ туох саҥа киирбитин сырдатта.
Стратегическай былааннааһын уонна экономика департаменын салайааччытын солбуйааччыта Парасковья Иванова тыа хаһаайыстыбатын оҥорон таһаарыытыгар көрүллэр өйөбүллэргэ субвенция объемун суоттааһын ньыматыгар уларыйыылар киирбиттэрин эттэ.
«Сахаагроплем» тэрилтэ начаалынньыга Николай Попов быйылгы сылга ынахтары искусственнай сиэмэлээһин хайдах тэриллиэхтээҕин кэпсээтэ.
Сэминээргэ кытта кэлбит тыа хаһаайыстыбатынан дьарыктанааччылар бэйэлэрин ыйытыыларын биэрэн, сиһилии хоруйдары ылан, астынан тарҕастылар.
Елена Макаринская