«Тулаайах уонна төрөппүттэрин көрүүтэ-истиитэ суох хаалбыт оҕолору дьиэнэн хааччыйыы» сокуон чэрчитинэн, бүгүн Николай Егоров, Милан Рязанскай, Василина Макарова уонна Дьулустан Васильев күлүүстэрин туттулар.
Толору хааччыллыылаах, гааһынан ититиллэр 4 квартиралаах дьиэни «Ампир» ХЭТ тутта. Дьиэ Сима Сергеев переулогар турар.
Үөрүүлээх түгэҥҥэ күлүүстэри туттара улуус баһылыга Степан Саргыдаев, Чурапчы нэһилиэгин баһылыга Владимир Сивцев уонна улуус баһылыгын тутууга солбуйааччыта Афанасий Дьячковскай кэллилэр.
«Саҥа дьиэҕэ киирэн, тирэхтэнэн, ыал буолан, оҕо-уруу төрөтөн, улуус киэн туттар дьоһун-мааны ыаллара буолуҥ» , — диэн Степан Саргыдаев баҕа санаатын эттэ.
