Чурапчыга «Тоҕус томтор оонньуулара» саҕаланна

Бүгүн, бэс ыйын 14 күнүгэр, Боотур Уус стадиоҥҥа тохсус төгүлүн ыытыллар «Тоҕус томтор оонньууларыгар» көрөөччүлэр тоҕуоруһа муһуннулар.

Бастакы күн кыттааччылар 4 көрүҥҥэ илин-кэлин түһүстүлэр: бэрэмэдэйдээх сүүрүү, мас тардыһыыта, тутум эргиир уонна 400 м сүүрүү. Бу күрэхтэр түмүктэринэн Чурапчыттан Павел Друзьянов бастакы, Мэҥэ Хаҥаластан Давид Колесов иккис, Ньурбаттан Владимир Федоров үһүс көрдөрүүлээх иһэллэр. Сарсын Маҕаайы алааһыгар 10 кыттааччы «Үс төгүл үс» ыстаныыга, хапсаҕайга, «Кулун тардыыга», бэрэбинэ көтөҕүүгэ, ох саанан ытыыга күөн көрсүөхтэрэ. Уолаттарга ситиһиини баҕарабыт!

Наталья Сибирякова , ааптар видеоҕа устуута