Улуус баһылыга Степан Саргыдаев ааһан эрэр сыл түмүгүн билиһиннэрдэ, үүнэр сылынан эҕэрдэлээтэ уонна бастыҥнары бэлиэтээтэ. Ол курдук, 2023 сыл түмүгүнэн улуус бириэмийэтэ – 50 тыһ. солк суумалаах сэртипикээттэр ананнылар:
1.Физкултуура хамсааһынын төлөннөөх тэрийээччитэ, САССР физическэй култуураҕа үтүөлээх үлэһитэ А.К. Софронов аатынан бириэмийэ ЧГФКСИ физкултуура методикатын уонна теориятын кафедратын профессорыгар , Чурапчы улууһун баһылыгын сүбэһитигэр, РФ уонна СӨ физкултуураҕа уонна спорка үтүөлээх үлэһитигэр Михаил Дмитриевич Гуляевка.
- Социалистическай Үлэ Дьоруойа, Чурапчы улууһун Бочуоттаах гражданина Р.И. Константинов аатынан бириэмийэ Алаҕар нэһилиэгин “Чыаппара” ТХПК дириэктэригэр, СӨ тыа хаһаайыстыбатын үтүөлээх үлэһитигэр уонна туйгунугар Иван Иванович Хоҥҥа.
- Биир дойдулаахпыт, чулуу Судаарыстыбаннай диэйэтэл И.Н. Винокуров аатынан бириэмийэ өрөспүүбүлүкэтээҕи Спортивнай Албан аат түмэлин дириэктэригэр, СӨ физкултуураҕа уонна спорка туйгунугар, өрөспүүбүлүкэтээҕи категориялаах судьуйа Михаил Егорович Друзьяновка.
- ССКП Чурапчытааҕы райкомун бастакы сэкирэтээрэ, Чурапчы улууһун Бочуоттаах гражданина И.П. Листиков аатынан бириэмийэ СӨ Бырабыыталыстыбатын Бэрэссэдээтэлин солбуйааччы, РФ пенсионнай пуондатын бочуоттаах үлэһитигэр Георгий Михайлович Степановка.
2023 сыл түмүгүнэн “Бастыҥ” анал аат уонна 10 тыһ. солк. сэртипикээт туттарылынна:
- “Үөрэх эйгэтин бастыҥ үлэһитэ” – С.К. Макаров аатынан улуустааҕы гимназия информатикаҕа учууталыгар Прокопий Прокопьевич Захаровка.
- “Култуура уонна искусство эйгэтин бастыҥ үлэһитэ” – А.П. Гоголев аатынан Чурапчытааҕы оҕо искусство оскуолатын духовой инструмент кылааһын преподователигэр Вячеслав Вячеславович Ивановка.
- “Доруобуйа харыстабылын эйгэтигэр бастыҥ үлэһит” – П.Н.Сокольников аатынан улуустааҕы киин балыыһа суһал көмө биэлсэригэр Лена Ивановна Неустроеваҕа.
- “Тыа хаһаайыстыбатын бастыҥ үлэһитэ” – Мугудай нэһилиэгин бааһынай хаһаайыстыбатын салайааччытыгар, Арассыыйа үтүөлээх фермеригэр, СӨ тыа хаһаайыстыбатыгар туйгуна Илья Ильич Дьячковскайга.
- “Производственнай тэрилтэ бастыҥ үлэһитэ” – “Якутскэнерго” киин электрическэй ситим Чурапчытааҕы филиалын РЭС 3-с учаастагын маастарыгар Константин Васильевич Фомиҥҥа.
- “Физкултуура уонна спорт эйгэтин бастыҥ үлэһитэ” – Чурапчы улууһун остуол тенниһигэр старшай тириэньэригэр, СӨ үтүөлээх тириэньэригэр, спорт бэтэрээнигэр Светлана Николаевна Башаринаҕа.
- “Үп уонна экономика эйгэтигэр бастыҥ үлэһит” – Чурапчытааҕы култуура управлениетын кылаабынай экономиһыгар Федора Ивановна Григорьеваҕа.
- “Нэһилиэнньэ куттала суох буолуутун уонна олоҕун-дьаһаҕын хааччыйыы эйгэтигэр бастыҥ үлэһит” – “СӨ быыһыыр сулууспа” тэрилтэ быыһааччытыгар Арыйаан Владимирович Сивцевкэ.
- “Уопсастыбаннай түмсүү бастыҥ бастыҥ бырайыага” – улуустааҕы дьахтар Сэбиэтин (бэрэссэдээтэл А.И. Афанасьева) “Кыайыы талисмана” бырайыага уонна Мугудай нэһилиэгин “Сайдыына” дьахталлар уопсастыбаннай түмсүүлэрэ (бэрэссэдээтэл Е.Е. Захарова).
- “Бастыҥ салайааччы” – Чурапчытааҕы аграрнай-техническэй колледж дириэктэригэр Василий Васильевич Гуляевка.
- “Бастыҥ дьиэ кэргэн династията” – Сидоровтар дьиэ кэргэн династиятыгар.
- “Бочуоттаах ытык кырдьаҕас” – Аҕа дойду Улуу сэриитин кыттыылааҕын огдооботугар, тыыл уонна үлэ бэтэрээнигэр, 99 саастаах Матрена Никитична Слепцоваҕа.
- “Сыл настаабынньыга” – С.К. Макаров аатынан улуустааҕы гимназия физикаҕа учууталыгар Мария Иустиновна Хоютановаҕа.
- “Үлэ киһитэ” – С.А. Новгородов аатынан Чурапчы орто оскуолатын остолобуойун сэбиэдиссэйигэр Нюрбина Михайловна Захароваҕа.
- “Бастыҥ баһылык” – Хадаар нэһилиэгин баһылыгар Афанасий Афанасьевич Степановка.
Нэһилиэктэр икки ардыларынааҕы күрэхтэһиигэ 2023 сыл түмүгүнэн кыайыылаах нэһилиэктэргэ суолу оҥорор анал тиэхиньикэ сэртипикээтэ туттарылынна:
Бастакы миэстэ – Хадаар нэһилиэгэ (баһылык А.А. Степанов).
Иккис миэстэ – Чурапчы нэһилиэгэ (баһылык В.Д. Сивцев).
Үһүс миэстэ – Кытаанах нэһилиэгэ (баһылык Е.Н. Потапов).
Улуус баһылыга Степан Саргыдаев “Чурапчы улууһун Бочуоттаах гражданина” ааты Дмитрий Поповка, “Чурапчы улууһун Бочуоттаах бэтэрээнэ” ааты Мария Никитинаҕа, артиллерист Г.Д. Протодьяконов аатынан түөскэ анньыллар бэлиэни Эдуард Карповка, Семен Жендринскэйгэ, “СӨ гражданскай инициативаларын туйгуна” ааты Саргылана Старостинаҕа, “Саха өрөспүүбүлүкэтигэр физкультурнай хамсааһын 100 сыла” бэлиэни Герасим Платоновка, онтон да атыттарга араас наҕараадалары туттарда.
Елена Макаринская, Сэмэн Жендринскэй хаартыскаҕа түһэриилэрэ
Видео Наталья Сибирякова