Бүтүн Арассыыйатааҕы устудьуоннарга аналлаах «СтудЗАБЕГ» акция Арассыыйа спордун министиэристибэтин өйөбүлүнэн, федеральнай «Спорт- олох нуормата» бырайыак чэрчитинэн быйыл бастакытын ыытыллар. Бу улахан спортивнай бырааһынньыгы Чурапчыга Чурапчытааҕы үнүстүүт иилээн-саҕалаан тэрийдэ.
Василий Лукин, тэрийээччи:
Бүгүҥҥү сүүрүүгэ барыта 280 киһи кытынна: устудьуоннар, үөрэнээччилэр, успуорт бэтэрээннэрэ уонна сүүрүүнү сэҥээрээччилэр. Түмүк биирдиилээн уонна хамаанданан таҕыста. Бу Арассыыйа үрдүнэн биллэриллибит акцияҕа кыттыспыт үрдүк үөрэх кыһаларыгар анал мэтээллэри, баннердары ыыппыттара. Онон биэтэккэ сүүс бастакы кэлбит дьоҥҥо өйдөбүнньүк мэтээллэри туттардыбыт. Маны таһынан үс бастакы түмүктээбит сүүрүүктэргэ үнүстүүппүт 25 сылыгар анаммыт үбүлүөйдээх мэтээллэри туттардыбыт.
Спорт бырааһынньыга өрөспүүбүлүкэбит күнүгэр түбэспитэ суолталаах. Ыччат чөл олохтоох, эт-хаан өттүнэн сайдыылаах буоллаҕына. норуот кэскиллээх буолар. Онон бэлиэ күн элбэх ыччат сүүрбүтэ сөптөөх үлэ ыытылларын, норуот инникилээҕин көрдөрөр.
Дайаана Никифорова, бастакы куурус устудьуона:
Ньурба улууһуттан сылдьабын. Устудьуон буолан баран, бу бастакы күрэхтэһиим буолар. Бэйэм кыахпынан үчүгэйдик сүүрдүм, ортоку көрдөрүүнү ситистим. Бүгүҥҥү тэрээһинтэн астынным.
Марфа Петрова.
Видео Наталья Сибирякова: