Анал байыаннай дьайыыга сылдьар ыччаттарбыт кэргэттэрэ, ийэлэрэ санааларын холбоон, «Санаа күүһэ» диэн түмсүү тэринэн үлэлээбиттэрэ номнуо икки сыл буолла. Билиҥҥи кэмҥэ кинилэр «Бойобуой Албан аат» түмэлигэр (урукку казначейство дьиэтэ) мустаннар байыаннай дьайыыга сылдьар уолаттарга илиилэрин сылааһын иҥэрэн, маскировочнай сетка баайыытыгар субуотунньуктуу сылдьаллар. «Маннык субуотунньуктаабыппыт икки нэдиэлэ буолла. Бу кулун тутарга Чурапчы улууһуттан уолаттарбытын көрсө дэлэгээссийэ барыахтаах, онно биэрэн ыытаары ким хайдах бириэмэлээҕинэн көрөммүт мустан үлэлии сылдьабыт»,-диэн Наталья Федорова билиһиннэрэр.
«Санаа күүһэ» түмсүү кэрэ аҥардара Чурапчыбыт дьонун-сэргэтин, тэрилтэлэрин биир санаанан салайтаран сетка баайыытыгар кыттыһалларыгар, бэйэлэрин кылааттарын киллэрэллэригэр ыҥыраллар.
Наталья Сибирякова, ааптар видеота