Бэҕэһээ, сэтинньи 27 күнүгэр Чурапчы улууһугар тыа хаһаайыстыбатын уонна астыыр-үөллүүр салаа үлэһиттэрин күнэ өрө күүрүүлээхтик бэлиэтэннэ.
Манна “Идэһэ-2024” дьаарбаҥка кэмигэр “Саамай, саамай, саамай” улахан собону, халыҥ хаһаны, минньигэс убаһа этин, моҕус киһини уонна бастыҥ торду астааччыны быһаардылар.
- “Саамай улахан собонон” Болугур нэһилиэгин Нуучча күөлүттэн Сахаайа Германовна Николаева бэйэтэ тутан аҕалбыт собото дьону соһутта, балык уопсай уһуна 39 см тэҥнэстэ;
- “Саамай халыҥ хаһанан” Мугудай нэһилиэгиттэн Константин Николаевич Жирков аҕалбыт хаһата ааттанна, уопсай халыҥа 5 см тэҥнэстэ;
- “Саамай минньигэс убаһа этинэн” барыта холбоон 15 куолаһы хомуйан Болугур нэһилиэгиттэн Василий Харлампьевич Яковлев кыайыылаах таҕыста;
- “Моҕустар” күрэхтэрин муҥутуур кыайыылааҕынан Кытаанах нэһилиэгиттэн Иван Савельевич Оконешников буолла, кини 2 мүнүүтэ 47 сөкүүндэ 88 дэһээтэй бириэмэ иһигэр урууллубут аһы бүтүннүү сиэн бүтэрдэ;
- “Бастыҥ торт астааччынан” Кытаанах нэһилиэгин кондитера Анисия Николаевна Дьяконова ааттанна уонна 20 тыһ.солкуобайынан бириэмийэлэннэ,
- кини бисквитнэй тордун уопсай ыйааһына 5 киилэҕэ тэҥнэстэ.
- Манна иккис миэстэни Чурапчы нэһилиэгиттэн Саргылана Петровна Бюлтясова – 15 тыһ.сокуобайы
оттон үһүс миэстэни Хатылы нэһилиэгиттэн Джулия Станиславовна Данилова – 10 тыһ. солкуобайы ыллылар.
Сэмэн ЖЕНДРИНСКЭЙ