Бу дьыл, балаҕан ыйын 25 күнүгэр, киэһэ 18ч.40 м. Чурапчытааҕы ИДьО дьуһуурунай чааһыгар 112 нүөмэргэ эрийэн, Чурапчы сэлиэнньэтин Ленин аатынан уулуссаҕа массыына сатыы киһини түҥнэри көппүтүн туһунан иһитиннэрии киирбит. Суолга сэрэхтээх буолуу иниспиэксийэтин туһааннаах үлэһиттэрэ быһылаан тахсыбыт миэстэтигэр тиийэн быһаарбыттарынан, 1995с. төрүөх “Тойота Ипсум” суоппара Ленин аатынан уулусса 55 №дээх дьиэ таһынааҕы суолга Чурапчы гимназиятын 7-с кылааһын үөрэнээччитин хаарыйбыт. Үөрэнээччи суолга көҥүллэммэт сиринэн туораабыта, уоттан тэйитэр элеменнэри иилиммэтэҕэ биллибит.
Ытыктабыллаах улууспут олохтоохторо, суол быраабылатын тутуһуҥ, суоппардар да, сатыы сылдьар дьон да өттүлэриттэн бэйэ-бэйэҕэ болҕомтолоох буолуҥ. Суоппардар, бөһүөлэк иһинээҕи суолларга ускуораскытын намтатан сылдьыҥ!
Анна Захарова.