Улуус дьаһалтатын аактабай саалатыгар нэһилиэктэртэн уран уустар, иистэнньэҥнэр, талба талааннаахтар муһуннулар.
Үөрүүлээх түгэҥҥэ улуус баһылыга Степан Саргыдаев талба талааннаахтары өйүүр сыаллаах олохтообут гранын туттардылар. Чурапчыттан уус-уран оҥоһук маастарыгар Прокопий Екечьямовка, Чакыртан мас ууһун маастарыгар Иннокентий Адамовка уонна Чурапчыттан сахалыы ньыманан иистэнии маастарыгар Надежда Ахматоваҕа оборудование, туттар матырыйаал ылалларыгар 150 тыһ солк сертификаттар ананнылар.
Чурапчы улууһун баһылыгын махтал суругунан Альбина Дьячковская уонна Вячеслав Барашков наҕараадаланнылар.
“СӨ норуот маастара” ааты Мугудайтан Мотрена Адамоваҕа, Одьулуунтан Августина Петроваҕа, Арыылаахтан Егор Барашковка иҥэрдилэр. Ону таһынан “Чурапчы улууһун норуотун маастара” ааты ылбыт дастабырыанньалары үгүс киһиэхэ үөрүүлээх быһыыга-майгыга туттардылар.
Елена Макаринская