Чурапчыга Култуура миниистирин 1-кы солбуйааччыта Мария Турантаева үлэлээтэ

Мария Васильевнаны улуус баһылыгын тутууга солбуйааччыта Афанасий Дьячковскай уонна култуура салалтатын начаалынньыга Петр Гуляев эбийиэктэринэн сырытыннардылар.

         

Кини бастатан Бахсыга тутулла турар Т.П. Местников аатынан Норуот айымньытын дьиэтин көрдө. Салгыы Алаҕарга баһылык Иван Оконешниковтыын  А.П. Лыткина аатынан “Ырыа” НАДь капитальнай өрөмүөнүн туһунан кэпсэттилэр.

Эбиэт кэнниттэн Чурапчыга А. Саввин аатынан мусуойга ыытылла турар өрөмүөн үлэтин көрдө. Дириэктэр Афанасий Захаров өрөмүөн үчүгэйдик баран иһэрин,  атырдьах ыйын бүтүүтэ түмүктэниэхтээҕин эттэ.

Маны таһынан А.П. Гоголев аатынан ускуустуба оскуолатыгар, Чурапчытааҕы бибилэтиэкэ ситимигэр уонна Хатылыга сырытта. Салайааччылар Ускуустуба оскуолатын реконструкциялааһыны, Хатылыга саҥа Норуот айымньытын дьиэтин туруорустулар.

Елена Макаринская