Хомуур хамаанда улууска 1 чөмпүйүөнү, 2 кыһыл көмүс, 4 үрүҥ көмүс, 5 боруонса мэтээли аҕалла. Дьахталларга олорон эрэ волейболга уонна дуобакка боруонса призерунан буоллулар.
Улуус баһылыгын социальнай боппуруостарга солбуйааччы Мария Кронникова 18 кыайыылаахха уонна призердарга, кинилэр тренердэригэр харчынан сертификаттары туттарда. Ону таһынан улуус баһылыгын махтал суругун ситиһиилээхтик кыттыбыт спортсменнарга, тэрийээччилэргэ туттарда.
Санатан эттэххэ, Чурапчы спортсменнара Аммаҕа ыытыллыбыт 14-с спорт адаптивнай көрүҥнэрин спартакиадатыгар чэпчэки атлетикаҕа, сүүрүүгэ, голболга, остуол тенниһигэр, буулдьанан ытыыга, дуобакка, ядронан быраҕыыга, олорон эрэ волейболга о.д.а. кыттыбытыттара.
Елена Макаринская. Наталья Сибирякова хаартыскаҕа түһэриилэрэ
