Улуус баһылыга Степан Саргыдаев уонна улуус дьокутааттарын Сэбиэтин бэрэссэдээтэлэ Яков Оконешников ааспыт Олохтоох бэйэни салайыныы күнүнэн эҕэрдэлээн туран наҕараадалары туттардылар.
“СӨ Муниципальнай сулууспа бэтэрээнэ” бэлиэнэн Эпиэкэ уонна попечительство отделын начаалынньыга Марианна Антипина уонна Болтоҥо нэһилиэгин дьаһалтатын кылаабынай исписэлииһэ Любовь Ефремова, СӨ Махтал бэлиэтинэн Тыа хаһаайыстыбатын салалтатын начаалынньыга Анжелика Неустроева уонна Кииннэммит бухгалтерия учуот бөлөҕүн начаалынньыга Анна Давыдова, Ил Түмэн бастайааннай кэмитиэтин бочуотунай грамотатынан муниципальнай сулууспа бэтэрээнэ Кузьма Пермяков, СӨ Ил Дархан дьаһалтатын салайааччытын уонна Бырабыыталыстыбатын Махтал суругунан архыып сэбиэдиссэйэ Татьяна Адамова уонна улуус баһылыгын солбуйааччыта Афанасий Дьячковскай, СӨ Олохтоох бэйэни салайыныы департаменын салайааччытын махталынан Хадаар нэһилиэгин дьаһалтатын кылаабынай исписэлииһэ Раиса Лукина, Эпиэкэ уонна попечительство отделын кылаабынай исписэлииһэ Виктория Лыткина, улуустааҕы үп салалтатыттан Александр Макаров, Болтоҥо нэһилиэгин дьаһалтатын кылаабынай исписэлииһэ Саргылана Оконешникова наҕараадаланнылар.
“Үтүө суобастаах үлэтин иһин” бэлиэни үлэ бэтэрээнэ Татьяна Сивцева, Чурапчы улууһун баһылыгын махталын Алаҕар нэһилиэгин баһылыга Иван Оконешников, Иван Павлов аатынан музей салайааччыта Михаил Дьячковскай, баһылык махтал суругунан Болугур нэһилиэгин баһылыга Руслан Васильев уонна Төлөй нэһилиэгин баһылыга Игорь Николаев туттулар.
Үөрүүлээх чаас кэнниттэн олохтоох бэйэни салайыныы мунньаҕар халаан уутун этэҥҥэ аһарыы, ойуур баһаарын сезонугар бэлэмнээх буолуу, цифровой трансформацияҕа рейтини толоруу, ыһыахтарга бэлэмнэнии уонна нэһилиэктэргэ куратордары анааһын, тэрилтэлэр шефтэһиилэрин боппуруостара көрүлүннүлэр.
Елена Макаринская
