Музейы тэрийэр туһунан дьаһалы улуус баһылыга Степан Саргыдаев таһаарда. Дьаһал өрөспүүбүлүкэҕэ Үлэ, улууска Ытыктабыл уонна Илья Павлович Листиков төрөөбүтэ 95 сылыгар ананар.
Ахсынньы 1 күнүгэр диэри музейы тэрийии балаһыанньатын оҥорорго, 1 үлэһити көрөргө уонна туспа хоһу аныырга диэн дьаһалга этиллэр.
Санатан эттэххэ, Илья Павлович Листиков Чурапчы улууһун экономиката, култуурата уонна социальнай олоҕо-дьаһаҕа сайдарыгар сүҥкэн кылаатын киллэрбит биир дойдулаахпытынан буолар. Кини “Үлэ кыһыл знамята” уордьан кавалера, Саха АССР норуотун хаһаайыстыбатын үтүөлээх үлэһитэ, Чурапчы улууһун Бочуоттаах гражданина, 25 сыл, ол иһигэр 18 сыл устата партия Чурапчытааҕы райкомун бастакы сэкирэтээринэн үлэлээбит судаарыстыбаннай диэйэтэл.
Елена Макаринская