Ол курдук, бэҕэһээ Мырылаҕа солбуйааччыларын уонна управление начаалынньыктарын кытта сырытта. Бастатан,Мырыла-Даайа Амма суол оҥоһуутун көрдүлэр.
Салгыы эдэр фермердэргэ Афанасий Хоютановка, Егор Ефремовка уонна улахан хаһаайыстыбалаах Виктор Петровка сырыттылар. Баһылык хаһаайыстыбалар үчүгэйдик үлэлии олороллорун бэлиэтээтэ, эбии бырагыраамаларга кыттарга өйөбүл буолуохтарын эттэ.
Нэһилиэк актыыбын кытта халаан уутун аһарыыга бэлэмнэнии хайдаҕын ыйыталаста, бары хайысханан тустаах миэрэлэри ылыннылар.
Оттон бүгүн Степан Саргыдаев Мугудай нэһилиэгэр үлэлиэҕэ. Санатан эттэххэ, бу иннинэ кини соҕуруу нэһилиэктэргэ сылдьан, тыа хаһаайыстыбатыгар үлэ-хамнас хайдах бара турарын билсибитэ.
Елена Макаринская