Аҕа дойду геройун күнүгэр Бүтүн Россия үрдүнэн оҕолорго, ыччаттарга анаан «Суолталаах кэпсэтиилэр» ыытыллаллар.
Улуус дьаһалтатын аактабай саалатыгар баһылык Степан Саргыдаев оҕолору ыҥыран кэпсэтиини таһаарда. Кинини кытта майор Семен Никитин, Чечня, Афганистан конфлигын бэтэрээннэрэ Гаврил Владимиров, Савелий Дьячковскай уонна билигин буола турар байыаннай дьайыыга кыттыбыт Эрхан Елисеев, Эдуард Захаров кыттыыны ыллылар.
«Оҕолортон саҕалаан, хас биирдиибит Россия историятын үөрэтэн, тарҕатан, патриотическай өйгө-санааҕа кэлиэхтээхпит. Биир өйдөөх-санаалаах буоллахпытына, арҕааҥҥы дойдулар ыытар политикаларыгар киирэн биэриэхпит суоҕа», — диэн баһылык бэлиэтээтэ.
Елена Макаринская