Быйылгы сылга 5465 туонна үүтү соҕотуопкалыыр былааннаахпыт. Итинтэн от ыйыгар 1038, 11 туонна ыаныллыахтааҕа 894,41 туонна ылыллан, 143,71 ситэ ыаммата, 86,2 бырыһыан толорулунна. Бу ыйга үчүгэйдик тустаах былааннарын 136,4 бырыһыан толорбут Болтоҥо, 136 бырыһыан көрдөрүүлээх Одьулуун, 129 бырыһыан көрдөрүүлээх Хайахсыт, 110,6 бырыһыаннааах Кытаанах нэһилиэктэрэ үлэлээтилэр. Мөлтөхтөрүнэн 48,5 бырыһыан толоруулаах Төлөй, 54,6 бырыһыан көрдөрүүлээх Мугудай, 69,8 бырыһыаны ыабыт Сылаҥ, 72,8 бырыһыаны ылбыт Болугур буоллулар.
Сэттэ ый түмүгүнэн (тохсунньу-от ыйа) 2753,83 туонна соҕотуопкаланыахтааҕа 2125,90 туонна ыанан, былаан 77,2 бырыһыан толорулунна. Ордук үчүгэйдик былаанын 112,8 бырыһыан толорбут Болугур, 104,9 бырыһыаны ситиспит Соловьев, 101,9 бырыһыан көрдөрүүлээх Одьулуун, 87,5 бырыһыаны ылбыт Хайахсыт нэһилиэктэрэ үлэлээтилэр. Былааннарын 35,9 бырыһыан толорбут Болтоҥо, 42 бырыһыан көрдөрүүлээх Мугудай , 44,5 бырыһыан көрдөрүүлээх Төлөй, 51,5 бырыһыан толоруулаах Сылаҥ нэһилиэктэрэ мөлтөхтүк үлэлээтилэр.
Елена Макаринская