Бу туһунан улуустааҕы үөрэх управлениета иһитиннэрэр. Чурапчы улууһугар үөрэхтээһини 16 уһуйаан, 25 оскуола, 3 эбии үөрэхтээһин тэрилтэтэ хааччыйаллар.
2022-2023 үөрэх дьылын 3554 оҕо түмүктээтэ. Үөрэх дьылын түмүгүнэн үөрэҕи ситиһии — 100%, хаачыстыба — 65%. Үөрэх программалара бары предметтэргэ 100% ситиһилиннэ.
9-с кылааска 320 оҕо үөрэммититтэн ОГЭ-ны 296, ГВЭ-ни 24 үөрэнээччи туттардылар. ОГЭ түмүктэригэр орто баал көрдөрүүтэ 9 предмеккэ үрдээтэ.
11-с кылааһы бүтэрээччилэргэ Биир кэлим экзамены туттарбыт оҕо ахсаана — 207. Саамай элбэх оҕо обществознаниены 63, биологияны 42, химияны 36 выпускник талан туттардылар.
2022 сылы кытта тэҥнээтэххэ, 2023 сыллааҕы биир кэлим экзамен түмүгүнэн 10 предмеккэ орто баал көрдөрүүтэ тубуста.
Информатика предметигэр мунутуур 100 баалы С.К.Макаров аатынан Чурапчы гимназиятын выпускнига Тимур Куличкин ылары ситиһэн, улууспутугар 3 сылын 100 баал бэлиэтэннэ.
13 оҕо «Үөрэххэ уһулуччу ситиһиилэрин иһин» мэтээлинэн бүтэрдилэр.
***
Бүгүҥҥү Билии күнүнэн Чурапчы нэһилиэгин оскуолаларыттан Сэмэн Жендринскэй хаартыскаҕа түһэриилэрин таһаарабыт.
С.К. Макаров аатынан Чурапчытааҕы гимназия
Д.П. Коркин аатынан Чурапчытааҕы республиканскай орто спортивнай интэринээт оскуолата
И. М. Павлов аатынан Чурапчы орто оскуолата
С.А. Новгородов аатынан Чурапчы орто оскуолата
Елена Макаринская