Чурапчы улууһугар бу нэдиэлэттэн улуус баһылыгын 2024 сыллааҕы үлэтин отчуота саҕаланар

Чурапчы улууһун олохтоохторугар 2024 сыл түмүгүнэн улуус баһылыга, отчуотун бу ыйга туруорар. Степан Саргыдаев бэйэтэ салайар бастакы бөлөҕө ааспыт сыллааҕы үлэтин отчуотун тохсунньу 17 күнүгэр 11 чааска Арыылаахха, 14 чааска Кытаанахха уонна киэһэ 17 чааска Сылаҥ нэһилиэктэриттэн саҕалыаҕа.

Онтон улуус баһылыгын социальнай боппуруостарга солбуйааччы Мария Кронникова салайар иккис бөлөҕө  11 чааска Чакырга, 14 чааска Хайахсыкка уонна киэһэ 17 чааска Хадаар нэһилиэктиэригэр отчуоттуохтара.

Тохсунньу 20 күнүгэр Степан Саргыдаев салайар бөлөҕө – 14 чааска Хатылы, 17 чааска Болтоҥо нэһилиэктэрэ;

Ити күн Мария Кронникова салайар бөлөҕө – 14 чааска Хоптоҕо уонна 17 чааска Төлөй нэһилиэктэрэ;

Тохсунньу 21 күнүгэр Степан Саргыдаев бөлөҕө – 11 чааска Бахсы, 14 чааска Алаҕар нэһилиэктэрэ;

Мария Кронникова бөлөҕө – 11 чааска Соловьев уонна 14 чааска Болугур нэһилиэктэрэ;

Тохсунньу 22 күнүгэр Степан Саргыдаев бөлөҕө – 14 чааска Мугудай уонна 17 чааска Одьулуун нэһилиэктэрэ;

Тохсунньу 24 күнүгэр – 16 чаастан Чурапчы нэһилиэгэр түмүктэниэҕэ.

Улууспут олохтоохторо бука бары, ааспыт 2024 сыл түмүгүн ырытыһар дьоһуннаах кэпсэтиигэ, улуус баһылыгын Степан Саргыдаевы кытары сирэй көрсөн ирэ-хоро кэпсэтэн, туһааннаах ыйытыыларгытын биэрэн, кэскиллээх сонун этиилэри киллэриэххит диэн эрэнэ күүтэбит. Онуоха “Саҥа олох” хаһыат отчуот ис хоһоону быыһа суох бэчээттээн таһаара туруоҕа.

 

Сэмэн Жендринскэй. Хаартыска ааптар тус архыыбыттан