Чурапчы улууһун олохтоохторугар 2023 сыл түмүгүнэн улуус баһылыга, тохсунньу уонна олунньу ыйдарга отчуоту туруорар. Степан Саргыдаев ааспыт сыллааҕы үлэтин отчуотун тохсунньу 17 күнүттэн 11 чааска Бахсы уонна 15 чааска Алаҕар нэһилиэктэриттэн саҕалыаҕа. Улуус Аҕа баһылыга оройуоммут бары нэһилиэктэрин бэйэтэ кэрийэрэ былааннанар.
Тохсунньу 18 күнүгэр – 10 чааска Төлөй, 14 чааска Мугудай, 17 чааска Одьулуун нэһилиэктэрэ;
Тохсунньу 22 күнүгэр – 14 чааска Соловьев, 18 чааска Болтоҥо нэһилиэктэрэ;
DCIM100MEDIADJI_0062.JPG
Тохсунньу 23 күнүгэр – 10 чааска Чакыр, 14 чааска Хайахсыт, 17 чааска Хадаар нэһилиэктэрэ;
Тохсунньу 25 күнүгэр – 10 чааска Арыылаах, 14 чааска Кытаанах, 18 чааска Сылаҥ нэһилиэктэрэ;
Тохсунньу 26 күнүгэр – 10 чааска Хоптоҕо, 14 чааска Хатылы нэһилиэктэрэ;
Тохсунньу 29 күнүгэр – 16 чааска Болугур нэһилиэгэр;
Олунньу 1 күнүгэр – 15 чаастан Чурапчы нэһилиэгэр түмүктэниэҕэ.
Улууспут олохтоохторо бука бары, ааспыт 2023 сыл түмүгүн ырытыһар дьоһуннаах кэпсэтиигэ, улуус баһылыгын Степан Саргыдаевы кытары сирэй көрсөн ирэ-хоро кэпсэтэн, туһааннаах ыйытыыларгытын биэрэн, кэскиллээх сонун этиилэри киллэриэххит диэн эрэнэ күүтэбит. Онуоха “Саҥа олох” хаһыат отчуот ис хоһоону быыһа суох бэчээттээн таһаара туруоҕа.
Сэмэн Жендринскэй. Хаартыска ааптар тус архыыбыттан