Чурапчы сүүрүктэрэ ситиһиилэннилэр

Бэс ыйын 21-23 күннэригэр Уус Алдан Бороҕонугар сүүрүүгэ өрөспүүбүлүкэтээҕи чемпионат ыытылынна. Манна биһиги улууспутуттан сүүрүктэр баран ситиһиилээхтик кыттан кэллилэр. Ол курдук, эдэрдэргэ Чурапчытааҕы спорт институтуттан Бюлтясова Саргылаана 2 миэстэ (10 000 м), Михайлов Эрхан 1 миэстэ (800 м), Попов Матвей 3 миэстэ (800 м), Кобелькова Валерия 1 миэстэ (эстафета 4х100) буоллулар. Онтон бэтэрээн сүүрүктэргэ Сивцев Анатолий 2 миэстэ (400 м),  Слепцова Ульяна 800 миэтэрэҕэ, 100 миэтэрэҕэ, 1500 миэтэрэҕэ уонна 4х100 эстафетаҕа 1 миэстэ,  Пермяков Иван 3 миэстэ (10 000 м), Макаров Спиридон 3 миэстэ (800 м),  Дыдаев Илья 200 миэтэрэҕэ 3 миэстэ, 100 миэтэрэҕэ 1 миэстэ, 4х100 эстафетаҕа  3 миэстэ, Захаров Николай 200 миэтэрэҕэ 1 миэстэ, Божедонов Эдуард 4х100эстафетаҕа  1 миэстэ буолары ситистилэр. Маны тэҥэ бэтэрээн дьахталларга Ульяна Слепцова, бэтэрээн эр дьоҥҥо Николай Захаров абсолютнай чемпион аатын сүктүлэр, онон иккиэн Арассыыйа сүүмэрдэммит хамаандатыгар киирэн бэтэрээннэргэ от ыйын ортотугар ыытыллыахтаах бүтүн Арассыыйатааҕы чемпионакка кыттар буоллулар.

Бу күрэхтэһиигэ тэрийэн ыыппыт улуустааҕы спорт управлениетын начальнигар Дьулус Васильевич Егоровка, сүүрүү федерациятын салайааччытыгар Юрий Михайлович Слепцовка сүүрүктэр ааттарыттан махталбытын биллэрэбит! Спортсменнарбытын кыайыыларынан эҕэрдэлиибит уонна Арассыыйа чемпионатыгар ситиһиилээхтик кытталларыгар баҕарабыт!