Ахсынньы 3 күнүгэр СӨ Ил Дархана Айсен Николаев илии баттааһыннаах 504 нүөмэрдээх судаарыстыбаннай наҕараадалары аныыр туһунан уурааҕа таҕыста.
Судаарыстыбаны бөҕөргөтүүгэ, өрөспүүбүлүкэ социальнай-экономическай сайдыытыгар кылаатын уонна өр сыллаах үтүө суобастаах сулууспатын иһин, СӨ юстицияҕа Судаарыстыбаннай кэмитиэтин Чурапчы улууһунааҕы 35 нүөмэрдээх сууттуур учаастак мировой судьуйатын көмөлөһөөччүтүгэр Антонина Владимировна ГОРОДЕЦКАЯҔА “СӨ судаарстыбаннай гражданскай сулууспатын туйгуна” бочуот знага туттарылларын туһунан этиллэр.
Антонина Владимировна сулууспатын 2001 сыллаахха ахсынньы 1 күнүттэн суут сэкирэтээрин быһыытынан саҕалаабыта. 2006 сыл муус устар ыйыттан Чурапчы уулууһун 35 нүөмэрдээх сууттуур учаастагын мировой судьуйатын көмөлөһөөччүтүн быһыытынан үлэлии-хамсыы сылдьар.
Биир дойдулаахпытын үрдүкү наҕараадатынан эҕэрдэлиибит, чэгиэн туругу, дьолу-соргуну баҕарабыт.
Сэмэн ЖЕНДРИНСКЭЙ