Көмөнү байыаннайдар дьиэ кэргэннэрин регионнааҕы кэмитиэтин салайааччыта Светлана Диодорова-Лаврентьева соҕуруу эмтэнэ сытар байыастарга ыытыаҕа.
« “Маарыкчаан”, “Спортивнай”, “Молодежнай”, “Чараҥ”, “Куоҕалы” ТОС олохтоохторо үтүө санааларынан ынах, убаһа этин, ыһаарыламмыт балыгы, куһу, барыанньаны хомуйан биэрдилэр. Отон сиробун “Чурапчы” ТХПК, салайааччы бэйэбит депутаппыт Алексей Егоров оҥорон биэрдилэр, өссө да оҥоһуллуоҕа”, — диэн “Куоҕалы” ТОС салайааччыта Федора Седалищева иһитиннэрэр.
Елена Макаринская