Биллэн турар, дьон барыта өрүү доруобай буолар ыралаах балыыһаттан тэйиччи сылдьыан баҕарар… Ол эрээри, ыарыы-дьаҥ ааҥнаатаҕына син биир быраастарга сүүрэбит.
Эмчиттэр, быраастар дьонтон эрэ барыларыттан ураты чиэһинэй, амарах санаалаахтар. Ол да иһин буолуо, Чурапчы нэһилиэгин олохтооҕо Анатолий Петрович Аржаков сүрэҕин көрдөрө кэлэ сылдьан дьиэтигэр аппарааттааҕын, баҕар инникитин ыарыһахтарга туһалаах буолуо диэн санааттан сыаналаах кислороднай аппараатын, ыарыһахтар туһанныннар диэн бэлэх уунна.
“Анатолий Петрович, бу дьон тыынын уһатаары “Армед” диэн фирма кислороднай концентраторын бэлэхтээбитигэр дириҥ махталбытын тиэрдэбит. Киниэхэ уонна кини дьиэ кэргэнигэр баҕарыа этибит кытаанах доруобуйаны, бөҕө туругу, үтүө санаан бэйэҕэр сүүс төгүл үтүөнэн эргийдин”, — диэн Прокопий Сокольников аатынан Чурапчытааҕы Киин балыыһа терапия отделениетын үрүҥ халааттаах аанньаллара бэйэлэрин алгыстарын аныыллар.
Сэмэн Жендринскэй