Стажировка М.В. Ломоносов аатынан Москватааҕы судаарыстыбаннай университет психология факультетыгар ыытылынна. Чурапчыттан “Улыбка” уһуйаантан Татьяна Толстоухова, Одьулуун “Күнчээн” уһуйааныттан Айталина Сибирякова уонна Нюргуяна Карпова өрөспүүбүлүкэ дэлэгээссийэтигэр киирэн, кыттыыны ыллылар.
Кинилэр былырыын ыытыллыбыт дошкольнай педүлэһиттэр учебнай-методическай ырытыы оҥоһуктарын өрөспүүбүлүкэтээҕи куонкуруһугар кыайыылааҕынан буолбуттара. Куонкуруска барыта 516 иитээччи кыттыбыта.
Стажировка кэмигэр Арассыыйа бастыҥ преподавателлэрин лекцияларын иһиттилэр. Николай Веракса, Александр Веракса, Галина Цукерман курдук улуу психологтары кытта билистилэр. 1448 нүөмэрдээх оскуола уһуйааныгар маастар-кылаастары көрдөрөн, Москватааҕы коллегаларын хайҕабылларын ыллылар.
Елена Макаринская