Ахсынньы 15 күнүгэр Покровскай куоракка 40-с төгүлүн Н.Н. Платонов сырдык кэриэһигэр тымныыга сүүрүүгэ өрөспүүбүлүкэ күрэҕэ буолан ааста. Сүүрүүгэ барыта холбоон 58 ыспарсымыан, саастарынан наарданан 12 бөлөҕүнэн илин-кэлин түһүстүлэр.
Халлаан төһө даҕаны -32С кыраадыһы көрдөрбүтүн иһин, тымныыттан чаҕыйбат быһыйдар 3 уонна 6 биэрэстэ уһуҥҥа түһүннүлэр.
Күрэх кылаабынай судьуйатынан Николай Латышев, сэкирэтээринэн Марианна Васильева үлэлээтилэр.
Сүрүү муҥутуур кыайыылаахтарынан эр дьоҥҥо (6 биэрэстэ):
1 миэстэ – Леонид Зыков (бириэмэтэ 22.05) – Хаҥалас улууһа;
2 миэстэ – Василий Готовцев (бириэмэтэ 23.02) – Нам улууһа;
3 миэстэ – Василий Филиппов (бириэмэтэ 23.06) – Чурапчы улууһа.
Кыайыылаахтар уонна анал номинация хаһаайыттара мэтээллэринэн, грамоталарынан, өйдөбүнньүк бэлэхтэринэн наҕараадаланнылар.
Сэмэн ЖЕНДРИНСКЭЙ