СӨ Экономика миниистирин 1-кы солбуйааччыта Мария Аргунова салайааччылаах бастакы бөлөх бүгүн Чакырга, Болтоҥоҕо уонна Хатылыга отчуоттуур.
Эбиэккэ диэри отчуот Чакырга буолла. Чакырдар биллэрин курдук саҥа оскуола тутуутун туруорсаллар. Оҕо-ыччат нэһилиэктэн көһөн барар төрүөтүнэн оскуола суоҕа буоларын ыйдылар.
Мария Аргунова билигин хайдах балаһыанньаҕа үөрэнэ олороллорун көрдө-иһиттэ. Оскуола тутуутугар улуус дьаһалтатын кытта үлэ бара турарын, ол туһунан олохтоохторго эттэ.
Ыйытыыларга байыаннай дьайыы, тыа хаһаайыстыбатын, сайылыктары уотунан хааччыйыы, паром уонна ирбис сыаналарын туһунан киирдилэр.
Үлэни сөптөөҕүнэн сыаналаатылар.
Елена Макаринская