Профессор Г.П.Башарин аатынан Сылаҥ орто оскуолатыгар мэдиссиинэ кылааһа аһыллан, ситиһиилээхтик үлэлээбитэ сүүрбэттэн тахса сыл буолла. 2018 сылтан эмчит идэтигэр бэлэмнээһин үлэтин атын таһымҥа таһааран, сайыннаран, Аан дойдутааҕы “Ворлдскиллс” хамсааһыҥҥа кыттан, “Социальный и медицинский уход” компетенцияны саҕалаабыппыт.
2023-2024 үөрэх сылыгар үөрэнээччилэр 11 араас компетенцияҕа кытыннылар, онтон “Социальный медицинский уход”,“Лечебное дело”, “Эстетическое косметология”, “Лабораторный медицинский анализ”, “Дошкольное воспитание”-барыта биэс компетенция площадкатын тэрийэн, улуустааҕы түһүмэҕи оскуолабытыгар ыыттыбыт. Кэнники үс сылга Арассыыйа таһымыгар таҕыстыбыт, чиҥник үктэннибит. Быйыл Арассыыйаҕа үс компетенцияҕа ситиһиилээхтик кытынныбыт, улууспут, өрөспүүбүлүкэбит чиэһин көмүскээтибит.
Макарова Валерия “Эстетическое косметология” компетенцияҕа Новосибирскайга кыттан, 5 миэстэ буолла. Салайааччылара Макарова Е.Г, нуучча тылын учуутала, В.А.Вонгродскай аатынан Дьокууйскайдааҕы мэдиссиинэ кэллиэһиттэн преподаватель Григорьева О.Г.
Бүтүн Арассыыйатааҕы «Молодые профессионалы» чөмпүйэнээккэ, «Эстетическая косметология» компетенцияҕа 5 миэстэлээх Валерия Макарова, 10 кылаас үөрэнээччитэ
Сивцев Антон «Лабораторный медицинский анализка” Салехард куоракка 6 миэстэни ылары ситистэ, салайааччылара Макарова М.Н., химия учуутала, мэдиссиинэ кэллиэһиттэн преподаватель Федотова С.А.
Лабораторный медицинский анализ » компетенцияҕа 6 миэстэлээх Антон Сивцев уонна Федотова С. А, эксперт — наставник.
9 кылаас үөрэнээччитэ Слепцов Миша “Социальный и медицинский уход” компетенцияҕа Оренбург куоракка кытынна, салайааччылара Никитина Л.Н, оскуола медигэ, преподаватель Константинова У.П, мэдиссиинэ кэллиэһиттэн.
Слепцов Миша, «Социальный и медицинский уход» компетенция кыттыылааҕа, Оренбург. Наставник — эксперт Константинова У. П,
Үөрэнээччилэри идэ иннинээҕи бэлэмнээһиҥҥэ 11 араас компетенцияҕа уонна Арассыыйа түһүлгэтигэр, үс сыл субуруччу, ситиһиилээх кыттыыны элбэх буолан көмөлөөн ситистибит. Ол курдук, улуустааҕы ветеринария управления, салайааччы Архипова Л.Н.,ветврачтар Софронова Е.Н., Давыдова А.И.; П.Н.Сокольников аатынан Чурапчытааҕы киин балыыһа, кылаабынай быраас Сивцев Н.С.; Клинико-диагностическай лаборатория, сэбиэдиссэй Григорьева Л.М.; Сылаҥнааҕы В.М.Макаров аатынан участактааҕы балыыһа, терапевт быраас Иванова А.М, фельдшер Христофорова С.Н.,фармацевт Дьячковская Л.А.; Бэйэбит выпускниктарбыт, фармацевтар Максимова В.Т, Федорова А.В.; Сылаҥнааҕы “Сулусчаан” уһуйаан, сэбиэдиссэй Нестерева Н.А, методист Макарова Н.А., иитээччи Никифорова Н.А., тренер, төрөппүт Семенов Ю.Н. –бары ис сүрэхтэриттэн баҕаран туран оҕолору идэҕэ уһуйаллар, дьарыктыыллар. Маны таһынан, 2020 с. В.А.Вонгродскай аатынан Дьокуускайдааҕы мэдиссиинэ кэллиэһин кытта сөбүлэҥ түһэрсэн улэлиибит, преподавателлэр кыттар оҕолору күүскэ дьарыктыыллар уонна чөмпүйэнээккэ эксперт-наставник буолан, оҕолору бэйэлэрэ көрөн-истэн илдьэ бараллар, кытыннараллар.
Быйылгы “Молодые профессионалы” түмүк түһүмэхтэрэ Новосибирск, Оренбург, Салехард куоракка ыытылыннылар. Манна кыттыы усунуоһа, барыы-кэлии ороскуота олус улахан. Оҕо сайдар кэскилин өйдөөн, инники үрдүк таһымнаах идэлээх үлэһит буоларын туһугар улууспут дьаһалтата, баһылык С.А.Саргыдаев, үөрэх управленията, салайааччы Ю.П.Посельскай харчынан улахан көмөнү оҥордулар. Доруобуйа харыстабылын управлениятын салайааччыта Сивцев Н.С. уонна өрөспүүбүлүкэ араас муннугуттан, мэдиссиинэ кылааһын бүтэрбит, эмчит оҕолорбут ис сүрэхтэриттэн көмөлөспүттэрэ биһигини олус долгутта. Бары көмөлөспүт кундү дьоммутугар, салайааччыларбытыгар бары төрөппүттэр уонна оскуола коллективын аатыттан истиҥник махтанабыт. Онон бары түмүстэхпитинэ, көмөлөһүстэхпитинэ туох барыта кыаллыан сөбүн итэҕэйдибит.
Сивцева Л.С , оскуолаҕа “Молодые профессионалы” хамсааһыны тэрийээччи.