Лазарь Платонов пятилетка түмүктээһиннээх сылын кыстыгар Карл Маркс аатынан сопхуос Болугурдааҕы отделениетыгар бороон көрөр звенотун салайбыта, оттон тус бэйэтэ 50 бороону иитэн таһаарбыта.
ССКП Киин Кэмитиэтин баартыйаҕа, сэбиэскэй норуокка Ыҥырыытынан өрө күүрдүллэн хас биирдии сүөһүтүн 130-туу киилэ төлөһүтэргэ хардары былааны ылыммыта. Кини сэбиэскэй норуот Аҕа дойдуну көмүскүүр Улуу сэриигэ кыайыытын 30 сыла туолуутун чиэһигэр 100 күннээх үлэ охсуулаах вахтатыгар турунан сорудаҕын алта киилэнэн аһара толорбута.
Лазарь Степанович ыам ыйыгар хас бороон ахсыттан 19-туу киилэ эбиллиини ылбыта. Кыстык ахсыс ыйыгар тыыннаах ыйааһынынан 7751 киилэ эти оҥорбута. Онон хас биирдии сүөһүтэ сезон устата 155-тии киилэ улааппыта.
Оройуон 1974 сылга чөмпүйүөн бороон көрөөччүтэ Т.В. Илларионова көрдөрүүтэ 133 киилэ эбит буоллаҕына, Платонов бу ситиһиитэ – рекорд!
Сэмэн Жендринскэй