Татьяна Семеновна Смирникова 1980 сыллаахха 28-с сылын Карл Маркс аатынан сопхуос Мугудайдааҕы отделениетыгар ыанньыксытынан үлэлиирэ.
Кини үлэлиир кэлэктиибэ Лыбынтах ферматыгар кыстаабыта. Уопуттаах ыанньыксыт сыл тоҕус ыйыгар үүт валовой ыамын 63 центнеринэн, хас биирдии ынахтан үүтү ылыыны 122-лии киилэнэн аһарбыта.
А.С. Захарова старшайдаах бу фермаҕа 16 ыанньыксыт баара. Онон Татьяна Семеновна эдэрдэргэ настаабынньык быһыытынан эмиэ ытыктанара. Кини ыччаттарга үтүө сүбэһит, бэртээхэй көмөлөһөөччү, фермаҕа саҥа үлэлии кэлбиттэр үрдүк көрдөрүүнү ситиһэллэригэр үтүө баҕалааҕа.
Уопуттаах сүөсүһүт ити дьыл ыанньык ынахтарга нуормалаах отторун толору биэрэн, ону кытта сиилэһи, эбии аһылыгы күүскэ сиэтэрэ.
Сэмэн Жендринскэй