Тустууну сэргээччилэр икки күн устата, Николай Тарскай кэриэһигэр 62-с төгүлүн ыытыллар биирдиилээн уонна хамаанданан бастыыр иһин хабыр-хапсыһыылары, тугу барытын умнан туран манаатылар. Түгэнинэн туһанан “Саха” НКИХ ханаалыгар, суруналыыстар Александр Посельскайга, Бүөтүр Павловка, комментатор Александр Васильев-Көрдүгэҥҥэ үчүгэй сырдатыыларын иһин дириҥ махталбытын тириэрдэбит.
Улууспут тустууга бэдэрээссийэтин бэрэссэдээтэлэ Степан Саргыдаев, улуус тустууга кылаабынай тириэньэрэ Альберт Макаров, улуус дьаһалтатын успуорка управлениетын начаалынньыга Дьулустан Егоров салалталарынан барыта холбоон 35 бөҕөс түһүлгэҕэ тахса сырытта. 700-кэ көрөөччү тоҕуоруһа муһунна, кинилэр ортолоругар Чурапчы улууһун дьокутааттарын Сэбиэтин бэрэссэдээтэлэ Яков Оконешников күөх экраҥҥа хаста даҕаны көһүннэ уонна биллэн туран, бухатыырдарбыт кыайыыларыгар бэйэтин ыһыытынан-хаһыытынан күүс-көмө буолбут, успуорт биир улахан фанаата, салайааччыта, билигин Алаҕар нэһилиэгин баһылыгынан таһаарыылаахтык үлэлии-хамныы сылдьар убайбыт Иван Иванович Оконешников буолар.
Уһата-кэҥэтэ барбакка быйылгы, 2024 сыллаах Саха сирин көҥүл тустууга чөмпүйүөннэрин уонна призердарын ааттыаҕын, 57 киилэҕэ диэри ыйааһыннаах бөҕөстөргө чурапчылар күннээтилэр диэххэ сөп:
1 миэстэ — Уйгулаан Иванов (Мэҥэ Хаҥалас);
2 миэстэ — Любомир Ашеин (Чурапчы);
3 миэстэ — Егор Явловский (Чурапчы);
3 миэстэ — Дархан Игнатьев (Чурапчы).
61 киилэҕэ диэри ыйааһыннаах бөҕөстөргө:
1 миэстэ — Артём Слепцов (Чурапчы);
2 миэстэ — Петр Константинов (Дьокуускай);
3 миэстэ — Александр Авелов (Ньурба);
3 миэстэ — Михаил Иванов (Горнай).
65 киилэҕэ диэри ыйааһыннаах бөҕөстөргө:
1 миэстэ — Дьулусхан Тотонов (Сунтаар);
2 миэстэ — Игорь Матвеев (Нам);
3 миэстэ — Андрей Мидловец (Амма);
3 миэстэ — Иван Потапов (Үөһэ Дьааҥы).
70 киилэҕэ диэри ыйааһыннаах бөҕөстөргө:
1 миэстэ — Олег Фомин (Чурапчы);
2 миэстэ — Петр Павлов (Уус Алдан);
3 миэстэ — Станислав Свинобоев (Мэҥэ Хаҥалас);
3 миэстэ — Влад Кривошапкин (Мэҥэ Хаҥалас).
74 киилэҕэ диэри ыйааһыннаах бөҕөстөргө:
1 миэстэ — Айсен Потапов (Үөһэ Дьааҥы);
2 миэстэ — Константин Капрынов (Чурапчы);
3 миэстэ — Николай Сивцев (Мэҥэ Хаҥалас);
3 миэстэ — Алексей Данилов (Сунтаар).
79 киилэҕэ диэри ыйааһыннаах бөҕөстөргө:
1 миэстэ — Роман Николаев (Бүлүү);
2 миэстэ — Тимур Николаев (Үөһээ Бүлүү);
3 миэстэ — Василий Кириллин (Мэҥэ Хаҥалас);
3 миэстэ — Анатолий Никитин (Мэҥэ Хаҥалас).
86 киилэҕэ диэри ыйааһыннаах бөҕөстөргө:
1 миэстэ — Константин Власов (Мэҥэ Хаҥалас);
2 миэстэ — Виталий Ефремов (Чурапчы);
3 миэстэ — Револий Самсонов (Сунтаар);
3 миэстэ — Андриан Ленский (Орто Халыма).
92 киилэҕэ диэри ыйааһыннаах бөҕөстөргө:
1 миэстэ — Максим Толмачев (Дьокуускай);
2 миэстэ — Денис Максимов (Сунтаар);
3 миэстэ — Дьулустан Калачев (Чурапчы);
3 миэстэ — Владимир Данилов (Сунтаар).
97 киилэҕэ диэри ыйааһыннаах бөҕөстөргө:
1 миэстэ — Никита Софронов (Чурапчы);
2 миэстэ — Евгений Аронов (Мииринэй);
3 миэстэ — Александр Халыев (Таатта);
3 миэстэ — Артём Сивцев (Уус Алдан).
125 киилэҕэ диэри ыйааһыннаах бөҕөстөргө:
1 миэстэ — Никита Хабаров (Дьокуускай);
2 миэстэ — Харысхан Баппаҕай (Үөһээ Бүлүү);
3 миэстэ — Даниил Иванов (Хаҥалас);
3 миэстэ — Эрчим Максимов (Уус Алдан).
Хамаанданан уопсай түмүккэ, Чурапчы улууһа 9 мэтээллээх (3 кыһыл көмүс, 3 үрүҥ көмүс, 3 боруонса) – иккис сылын эрэллээхтик 1 миэстэ буолла уонна үүммүт 2024 сылы кыайыынан саҕалаата. Икки кыһыл көмүс уонна биэс боруонса мэтээллээх Мэҥэ Хаҥалас сүүмэрдэммит хамаандата 2 миэстэ уонна биир кыһыл көмүс, биир үрүҥ көмүс, үс боруонса мэтээллээх Сунтаар улууһун хамаандата 3 миэстэ буолары ситистилэр.
Сэмэн Жендринскэй. Хаартыска “Спорт Якутии” саайтан