Бэҕэһээ о.э. муус устар 11 күнүгэр, сарсыарда 10:30 чааска Чурапчытааҕы баһаарынай-быыһыыр сулууспаҕа Чурапчы нэһилиэгин Коркин аатынан уулусса 11 “Б” нүөмэрдээх биэс мэндиэмэннээх дьиэ иккис этээһигэр баһаар буолбутун туһунан тыллабыр киирбит.
Баһаарынайдар кэлиилэригэр эбийиэк аһаҕас уотунан умайа турара, уопсайа 4 кв.миэтэрэ иэннээх сир уокка былдьанна. Баһаарынай-быыһыыр сулууспа байыастара уоту тутатына умуллардылар.
Биричиинэтэ — быһа барыллаан табах уотуттан, буруйдаах уонна хоромньу ааҕыллар.
Бу манан сиэттэрэн, Чурапчы нэһилиэгин дьаһалтата, бөһүөлэк олохтоохторун дьиэҕэ-уокка болҕомтолоох, уокка холбонор ититэр, ииттэрэр тэриллэри туһаныыга сэрэхтээх буоларгытыгар ыҥыраллар.
Сэмэн Жендринскэй