Кини оҕо эрдэҕиттэн ойууру таптыыра. Ойуур кинини ханнык эрэ дьикти абылыыр күүһүнэн, киһи хараҕар биллибэт-көстүбэт сүдү кистэлэҥинэн умсугутара.
Вася, кэлин Василий Прокопьевич буола улаатан, биэс оҕо амарах аҕата, улахан кэлэктиипкэ ытыктанар, убаастанар киһи буола үүммүтэ. Кини төрөппүттэрэ эрдэ өлөннөр үлэ диэн тугун-ханныгын этинэн-хаанынан билэн улааппыта. 15 саастааҕар алта кылааһы үөрэнэн бүтэрэн баран, салгыы үөрэнэр кыаҕа суох буолан Вася Каженкин Амма оройуонугар уполминзаг статистигынан, оттон кэлин араас үлэлэргэ сылдьыбыта.
Василий Прокопьевич баҕарбыт баҕатын толорон, таптыыр умсугуйар үлэтигэр 1953 сыллаахха төрөөбүт-үөскээбит Чурапчытын лесничествотыгар үлэлии киирбитэ. Оттон сотору көрсүө-сэмэй майгылаах, табаарыстарыгар уонна үлэтигэр эҥкилэ суох сыһыаннаах буолан дьон-сэргэ ытыктабылын, тапталын ылбыта, лесниктжн тиэхэньик-лесоводунан өрө таһаарыллыбыта.
Норуот баайын, кинини иитэн-аһатан олорор ойуурун харыстааһыҥҥа Василий Прокопьевич үгүс күүһүн-күдэҕин биэрбитэ. Ол иһин кини ойуур хаһаайыстыбатыгар сыралаах үлэтэ үрдүктүк сыаналаммыта.
“Уон сыллаах эҥкилэ суох үлэтин иһин” диэн значогунан н
аҕараадаламмыта. 1968 сыллаахха коммунистическай үлэ удаарынньыгын бочуоттаах аатын ылбыта.
Сэмэн ЖЕНДРИНСКЭЙ