Бүгүн сарсыарда Алтан Сэргэттэн массыынаны уонна гуманитарнай көмөнү илдьэ барааччылары алгыстаан атаардылар. Массыынаны байыаннай дьайыыга улуус аатыттан координатордыы сылдьар Прокопий Максимов уонна Төлөй нэһилиэгин баһылыга Игорь Николаев суоппардаан илдьэ бардылар.
«Бу массыынаны ыларга улууспут дьоно-сэргэтэ бары күүс-көмө буоллулар. Массыынабыт тиийэн, уолаттарбытыгар этэҥҥэ сулууспалыа диэн эрэнэбит. Маны сэргэ күһүҥҥү муҥха сибиэһэй балыгыттан ыһаарылаабыт соболорун, тоҥ аһы, сылаас таҥаһы, бэйэбит туойбутуттан оҥоһуллубут харысхаллары, уустарбыт оҥорбут саха быһахтарын илдьэ бардылар. Антах тиийэн, наадыйар малларын-салларын эбии атыылаһан биэриэхтэрэ», — диэн улуус баһылыга Степан Саргыдаев кэпсиир.
Елена Макаринская
Наталья Сибирякова видеота.