Саҥа култуура дьиэлэрэ Чурапчы, Сунтаар, Мэҥэ Хаҥалас улуустарыгар “Культура” национальнай бырайыак чэрчитинэн арыллыахтара. Ол туһунан култуура министиэристибэтин пресс-сулууспата иһитиннэрдэ.
Билигин култуура дьиэтэ Чурапчы улууһун Бахсы нэһилиэгэр, “Саргы түһүлгэтэ” социальнай-култуура киинэ Сунтаар Кириэстээҕэр уонна Мэҥэ Хаҥалас улууһун Аллара Бэстээҕэр култуура сайдыытын киинэ тутулла тураллар.
2019 сылтан Дойду бэрэсидьиэнэ Владимир Путин көҕүлээһининэн “Култуура” нацбырайыагынан Саха сиригэр 45 эбийиэк үлэҕэ киирдэ.
Сэмэн Жендринскэй